Google

Friday, January 26, 2007

 

BIIMAL RESISTANCE MOVEMENT ( BIREM - U.K.)





BIIMAL RESISTANCE MOVEMENT ( BIREM - U.K.)

HURDAAYE SOO JEEDAA KICIYA, LININ IYO HITLARBA DADBAA WELI U RIIMAAYA.


23/01/2007

Taariikhdu waa wax la soo marey iyo wax markaa la taaganyahay oo berrito noqondoono wax laga sheekeeyo amase la akhristo, hase yeeshee kuwa taariikhda sameeya, waa kuwa awoodda u leh inay ka muuqdaan mowjadaha dhacaaya, ha yeraadaan amase ha weynaadaan mowjadahaasi, isla markaana waxay u kala baxayaan kuwa taarikkhda qoraaya kuwa farta lagu soo godaayo oo ah aan sameysan wanaag iyo samaato lagu xasuusta , laakiin sameystey xumaato berrito ku noqoneys dhibac madow , oo ubadkiisa iyo waxii ay dhalaanba farta si xun loogu soo godaayo.
qeybta kale ayaa ah kuwa taariikhda ku qora biyo dahab iyo baal dahab, inkastoo kuwa xun ay ku tilmaamaan isla waqtigaa taariikhdaa la qoraayo inay yihiin kuwa xun, hase yeeshee taarikkhda baalkeeda dahabiga ah ayaa taasi beeninaayo, oo uma baahna inay iska daafacaan kuwa sida xun dadka wax u tusaayo,inkastoo aysan awood u yeelankarin kuwaasi xunxuni, inay wax ka taraan kuwa kan ee baalka dahabka ah taarikkhda ku qoraayo.
Waxaan hadalkeygaan oola gonleeyahay dhallinyerada u dhalatey gobolladii gumeysigii Ceyr ku jirey amase kuwii baadka laga qaadijirey, oo isla markaana qaar ayaga ka tirsan ay gacan ku siinjireen, in dadkooda la gumeysto, oo ilaa iyo maantana weli ku nool riyada ah inay Ceyr iyo wax la hal maaalo inay dib usoo noqondoonaan, oo ay maamulka gobolladii hore gacanta ku dhigidoonaan.
seddax arrimood ayaan doonayaa inaan u caddeeyo beelaha deggan gobolladii la gumeysanjirey, gaar ahaan beelaha deggan shabeellooyinka iyo jubbooyinka, kuwaasi oo kala ah:-
1- In la idin gumeysanjirey,dhibaatada dalka ka dhacdey inteeda badan inay adinka idin saarneyd, oo la idinkula dhaqmey wax aan ka suurta gelin gumeysi shisheeye, inaan isla markaana dhac iyo boob iyo kufsi iyo canshuur ilaa iyo masaajidada la idinka qaadey canshuur, ay u dheertahay cirib goos oo si yeryer ah , in la idinkula dhaqmijirey, waa mid aadan illoobi karin amase aadan is illowsiinkarin.
2- Arrinta Xigta waxay tahay inaad woda ogtihiin inay jirto mahmaah Soomaaliyeed oo leh"Misaarey imaadan goyseen hadduusan gumudkeyga kugu jirin", taasi oo ah inay idin soo adeegsanjireen kuwa gumeysiga iyo dulmiga idin ku haayey, qaar yer oo dhuuni raac ah, iyo kuwa calooshood u shaqeystayaal ah, oo adinka idinka tirsan, oo isla markaana difaaci jirey, kuwa gumeystayaalka ahaa, kuwaasi maanta waxay weli ku noolyihiin inay soo noqondoonaan kuwii ayaga meesha ku haayey ee ay ka daba noolaayeen, taasina la yaab ma laha waayo ilaa iyo maanta weli qaar ayaa rumeysan Hitlar iyo Linin inay soo noqondoonaan amase habkoodii uusoo noqondoono, in kastoo ay kasoo wareegtey in ka badan nus qarni, kuwaasi ay la too yihiin, waa inaad taasina ogaataan.
3- tan seddaxaad ee aan doonaayo inaad ogaataan ayaa waxay tahay dalka Soomaaliya dunida oo idil ayaa u duuban maanta siyaasad ahaa, sidii kor loogu soo qaadi lahaa nabad gelyadeeda , waayo waa la woda ogyahay umadda Soomaaliyeed inay u baahan tyahay nidaam iyo kala dambeen, iyo isla markaana waxaa laga baqayaa inay noqoto mid ay dunida seddaxaad ku deyato ,oo ay niodaam darrida dunida kusoo fidiso, saa darteed ayaa loo garab taagan yahay.
Taasi waxay ka dhigan tahay laba siyaabood , ayada oo ay dadka Soomaalidu u baahdeen kala dambeen iyo nidaam , iyo ayada oo laga baqaayo inay nidaam la'aan dunida ka barato oo ay nidamma la'aantaaba la moodo fiicnaan , taasi oo ka soo horjeeddo jiritaan baniidaanka oo idil, oo u horseedi karto burbur iyo baaba' taariikhda jiritaan aadanka oo idil.
Haddaba waxaan jeclahay inaan si gaar ah farta oogu fiiqo waxa loo baahanyahay, amase laga doonaayo dadka u dhashey gobollada dhibaatada ku woda habsatey, gaar ahaan , dadka dega shabeellooyinka iyo jubbooyinka iyo bay iyo bakool, mwaa inay ogaadaan dowladdaan maanta calanka gacanta ku haayso inay Soomaaliya u dhalatey guud ahaan, ayaga ay oogu dhalatey gaar ahaan.
Waxaa waajib ah , dowladda federaalka ah inay si buuxda u garab istaagaan oo ay iska ilaaliyaan kuwa la taagan tashwiishta iyo waxaan jirin, kuwaasi oo salka dambe ku haaya gumeystayaalkii, iyo daneystayaalkii calooshood u shaqeystayaalka ahaa, isla markaana waa inay ka midoowaan oo ay iska kaashadaan ka hortegga kuwa doonaayo inay qalalaasa ka dhex abuuraan, kuwaasi oo ku woda andacoonaaya, inaysan dowlad usoo socon, iyo in maamulka ayaga gacanta loo gelindoono, amase leh, ragga aad wax ka sugeysaan waa rag aan waxba idin soo wodin, iyo hablo ayaa meesha been idinku geeyey, iyo dadbaa idin soo weeraraayo oo waa la idin tirtirayaa iyo hadallo aan maanta loo joogin.
Hadda iyo dan waxaan hadalkeyga kusoo koobayaa waa inaad noqotaan , gaar ahaan dadweynahay u dhashey gobollda aan kor kusoo xusey ul iyo diirkeeda, dowladdaanna adinka ayay idin dhalatey, hawl dowladeedna waxaa lagu yaqaannaa qunyer socod, saa darteed adinka oo aan dhararin hawlahiinna qabsada, iskana ilaaliye kuwa fidno ku noolka ah ee hadal iyo been idinku afuufaayo, oo isla markaana iska dhigaayo inay adinka idin daneynaayaan, waayo waa isla kuwii dorraad usha u sidey gumeystayaalkii, oo doonaayo inay maanta idinsoo qaataan shaar cusub oo ay idinku qaldaan, talo adinka ayaa ku nool , isku duubnaantana waa waxa meel lagu gaaro..guulna waxaa lagu gaaraa dadaal iyo dulqaad, danta umadda gobolladaan kor kusoo qorey waa inay ka horreyso, tan shakhsiga..dadaala..Kana digtoonaada kuwa beenta iyo bootada iyo fidnada ku dhexbeera umadda.
Guulse maanta ayay gactiinna soo gashey ee ha iska luminina, munaafaq iyo calooshii u shaqeyste, yuusan idin dhaafinin.. horumar sidii aad deegaannadiinna ku gaarsiinlahaydeen ka shaqeeya, waayo dhamaatey goortii dad aan deegaanka u dhalan ay ka talin lahaayeen meel aan deegaankooda ahayn.
Warkeyga waxaan kusoo gunaanudayaa, dowladda federaalka ah adinka ayay idin dhalatey, ee kuwa war xun tashiilka ah iska qabta, oo geed dheer iska xidha, inbadan waadsoo hurudeene, maanta kaca, oo wax qabsada, waqtigiinna ayaa la joogaaye.

Af-hayeenka BIREM U.K.
Maxamed Cismaan Yaraas

Xafiiska Jammaamejammaame@gmail.com

This page is powered by Blogger. Isn't yours?

  • Awdal News
  • Cowslafil
  • Djibnet
  • Geeska Afrika
  • Jamhuuriya
  • Jammaame
  • Haatuf News
  • HargeysaOrg
  • Hiiraan
  • Onkod
  • Saylac
  • Shabelle
  • Somaliland Future
  • Somalia Today
  • Somalilandnet
  • Somaliweyn
  • Suxufi
  • Warsid
  • Michael Moore
  • Blogs
  • Africa Unchained
  • Friends of Ethiopia
  • archives
  • 26/10/2005
  • 28/10/2005
  • 30/10/2005
  • 01/11/2005
  • 06/11/2005
  • 07/11/2005
  • 08/11/2005
  • 09/11/2005
  • 13/11/2005
  • 14/11/2005
  • 15/11/2005
  • 23/11/2005
  • 25/11/2005
  • 06/12/2005
  • 31/12/2005
  • 19/03/2006
  • 24/03/2006
  • 01/04/2006
  • 14/08/2006
  • 26/01/2007
  • Nairobi
    HargeisaHargeisa
    BoramaBorama
    MogadishuMogadishu
    AddisAbabaAddis Ababa
    BerberaBerbera
    SheikSheik Mountains
    Somaliland
    Somaliland