Dir Era current and future generations

Wararka naga soo gaaraya magaalada jowhar ayaa sheegaya in Madaxweynaha dowladda KMG soomaliya C/llaahi Yuusuf Axmed uu cagta mariyey xubno ka tirsan labada garab dowladda KMG ee halkaas ku sugan kuwaas oo ka soo horjeestay in wax wadahadal ah lala yeesho xubnaha dowladda ee muqdisho.

Sida warku sheegayo xubno ka tirsan labada Gole ee Jowhar ku sugan oo saluugsan qaabka lada dhinac ee dowladdu u wada hadlayso iyo hindisaha wadahadalkaas ee soo jeediyey Barre Hiiraale ayaa waxay olole xoog leh u galeen in qorshahaas ay ka hor tagaan iyagoo doonayua in xubnaha Muqdisho haddii ay tanaasuleen ay yimaadeen magaalada Jowhar oo wax gorgortan kale aan lala gelin, taasoo markii la gaarsiiyey madaxweyne C/llaahi Yuusuf uu cagta mariyey sida warku sheegayo kadib markii uu cannaan kulul aadiyey xubnahaas oo uu u ku dhaliilay inay la yimaadeen waxa uu ugu yeeray keligoosadnimo in ay la yimaadeen, isagoo ku yiri Muqdisho jooga qaar ka mid ah anaga ayaa ka gardaran, mana aha in wax walba la isla soo taago maya ee aynu sugno waxa ka soo baxa waxa dadku inta badan ay doonayaan ee ah in la is arko marka hoe, la wada hadlo.

Bahda Warsid Muqdisho (Abdiraxman,Januune,Abdinasir)

Warsid.com